Artroskopiya – oynaqların zədələnməsinin diaqnostikasını və mualicəsini aparan minimal invaziv cərrahiyyə üsuludur.
Artroskopiya zamanı oynağa mikrokəsiklər vasitəsilə artroskop-endoskop yeridilir. Artroskopiya vasitəsilə oynaqların dəqiq diaqnostikasiyla yanaşı həm də bir çox ortopedik xəstəliklərin o cümlədən oynaq sicanı, qığırdağın zədələnmiş səthi, ön carpaz bağ və s. müalicəsi aparıla bilər.
Artroskopiyanın ənənəvi artrotomiyadan əsas üstünlüyü oynağın tam açılmamasındadir. Bu da öz özlüyündə əməliyyatdan sonrakı bərpa dövrünü xeyli qısaldır. Xəstə əməliyyatdan sonrakı gün aktiv həyata qayıda bilər. İnfeksiya riski ən az səviyyəyə endirilir. Əməliyyatlar lokal, periferik və ümumi anesteziya altında aparılır.Artroskopiyadan sonra həm də dəri üzərində kobud çapıqların qalması sıfıra bərabərdir. Artroskopiya əməliyyatı zamanı oynaq daxilində gorüntü yaratmaq ücün oynaq daxilinə maye vurulur. Bəzən bu mayeyə gorə əməliyyatdan sonra qansızma və ödem qala bilər. Artroskopiya zamanı istifadə olunan cərrahi alətlər ənənəvi alətlərdən daha kicik olur. Artroskopiya əməliyyatının istənilən oynaq üzərində aparılması mümkündür. Lakin artroskopiya ücün ən aktual oynaqlar: diz, bazu, dirsək, mil-bilək, bud-canaq, aşıq baldır və pəncə oynaqlarıdır.
Baki şəhəri, Ziya Bünyadov prospekti 36. İndeks: AZ1069
E-poçt: hospital@mia.gov.az